《同盟》剩下最后两集，有追开的朋友都看到咬牙切齿，除了齐齐玩无奖竞猜游戏，估下谁是big boss，仲要集集死几个，睇到大家一壳眼泪，尾三呢集又有3位大家熟悉嘅角色死咗，究竟佢地係真死定假死？陈展鹏真係变奸定又嚟计中计？好乱呀﹗
自播出以嚟，数数手指《同盟》中壮烈牺牲嘅已经有薇姨、Ricky、Kate两个哥哥George 同Michael、韦爷、令烈……尾三一集再死3个！
G-Force为救阿杰中枪。（影片截图）
先有梁烈唯跟踪可疑人被郑子诚发现，捉住佢殴打逼供，郑子诚想放走唯唯，点知Rainman手下拒绝，作恶咗咁多集嘅郑子诚咁就被枪杀；陈展鹏胡定欣赶到救唯唯，乱枪扫射下走漏一个，唯唯飞身为兄弟挡子弹，陈展鹏悲痛莫名埋下变奸种子；令家上下不停收到Rainman分化大家嘅讯息，人心惶惶日嘈夜嘈，杨卓娜唔知边度变支枪出嚟，林子善韩马莉又想夹埋毒害鲍起静，鲍姐出苦肉计，注射药物假死，陈展鹏去见Rainman扮变节，点知一早被对方识穿将计就计，鲍姐就喺陈展鹏面前过身。
令小姐点解会死㗎！(影片截图)
不过网民普遍唔多相信一代霸主令熊咁就拜拜，觉得扮死呃Rainman机会甚大，有人甚至话其实薇姨根本无死，瞓喺度嘅係薇姨嚟咋！至于陈展鹏自开枪杀Ricky起已经埋下变奸伏线，唯唯同鲍姐嘅死更加令佢眼神起变化，好凶狠呀﹗预告仲话佢同陈山聪打起上嚟添。
陈展鹏准备变奸眼神好狠呀。(影片截图)
不过咪住，点解D铺排咁熟口熟面？原来同《城寨英雄》以及《使徒行者》套路非常相似，咁啱三套剧都係文伟鸿做监製噃。《城寨英雄》结局篇集集死几个，花曼猫仔死嗰两集到宜家仲历历在目；至于《使徒行者》中欢喜哥明明死咗，去到电影版又翻生，仲有苗侨伟饰演嘅卓Sir终极变节做黑警，原来係计中计对付幕后黑手。咁推论落去，《同盟》中鲍姐应该係扮死，而陈展鹏就扮变奸同Rainman合作，等机会反击。仲有两集，好快就知剧情係咪咁发展，最后BBQ跳起YEAH啦！
