被誉为近年最港味嘅电视剧《反黑》
第一季就狂收14亿点击
获得咗唔少观众一致好评
大结局完马上就爆出会开拍下一季
仲会有第2、第3季甚至会有电影版添
之后嘅资金都已经全部到位
就差开拍噶姐~
导演宋本中就话
将会喺圣诞节公布第二季演员阵容
反黑同使徒行者基本係同期上线
本来追住使徒行者嘅小编
点知最后竟然被反黑圈咗粉~
对比使徒行者，反黑剧情更加有连贯性
而且带住浓浓嘅港剧味道
大结局时候真係觉得意犹未尽
未开拍就已经期待下一季了~
重磅新角色加入新一季
“古惑仔”呢类型嘅电视剧、电影
有啲经典人物真係影响一代人
粉丝心中总会有几个心水
所以网曝就有几个好经典嘅演员加入
令到粉丝更加期待下一季
谢天华
谢天华係电影《古惑仔》入边饰演大天二
唔算係主角
但都被人深深记住咗~
係香港古惑仔经典代表之一
喺《学警狙击》入边佢
饰演潜伏係古惑仔入边嘅卧底—laughing哥
形象同样深入民心
亦正亦邪嘅laughing哥对于呢类型电视剧
相信已经係驾轻就熟
随时都ready开拍~
其实第一季时候剧组已经揾过laughing哥
但未能成事
不过早前导演接受采访就话过
第二季好大机会会见到laughing哥
黄秋生
係古惑仔入边
黄秋生饰演过洪兴社香港仔区话事人
大飞哥
做过多次影帝、视帝嘅黄秋生
无论係演奸到出汁嘅古惑仔
定係忠义两全嘅大哥
甚至係演变态杀人狂都手到拿来
如果参演反黑相信係锦上添花
故事相当有睇头
张耀扬
如果讲古惑仔入边反派边个印象深刻
好多人都会毫不犹豫讲係佢
江湖人称“乌鸦哥”
“东星耀扬”呢个朵真係多年不变
表情到位、演技出众
张耀扬将乌鸦呢个角色表现到淋漓尽致
今次如果加入反黑
相信应该係饰演狠角色！
对于新一季选角问题
导演自己都爆料话第二季会有重磅演员加入
但係究竟有边个就未公布得住
而且导演仲好神秘咁话
网上流传嘅果啲演员阵容大部分会参演
而且会慢慢咁加入
导演仲话
因为套剧係向90年代嘅黑社会电影致敬
所以当然会加入一啲《古惑仔》
电影系列嘅经典角色
讲到咁真係越来越期待啦~
故事情节更复杂，更刺激
第一季结局留低咗唔少悬念
边个係终极大boss？
招积会唔会再出现？
张少均到底係忠定係奸？
一系列疑问要留到下一季先揭晓啦~
不过
编剧都係采访中透露咗唔少哦
01
B1-1组有一个队员变节
B1-1组六个人到底边个最有可疑
根据监制兼主演陈国坤
发出咗一张图片，似乎嗰个都有机会
不过按照第一季最后几集推测
陈国坤（饰演张少均）呢个角色“将军”
最大机会係变奸果个
结局时候将军去揾凤凰道别
言语之间表达出有啲嘢仲係背后发展紧
而自己仲未打算复职
霖住放个假考虑下
并且话自己一回来相信一定会一鸣惊人
而到第一季结局最后
将军坐係和兴盛主席位上
咁係咪表明佢又翻转头去做翻卧底
并且做埋上坐馆咧？
定係因为老豆死咗已经变节用自己方法处理？
所以B1-1组变节果个会唔会就係佢？
02
神秘人Michael回归
第一集只出过只背影嘅大boss
开始以为就係果个英国佬
点知到后来发现唔係！！！
最后发现神爷原来有嗰仔
而且仲打电话俾自己个仔叫佢翻来
似乎又有大动作搞了！
而镜头一转就係果个男人背影
究竟呢个背影係边个？
唔通呢个先係真正嘅大boss？
03
和兴盛新揸fit人 VS 招积
第一季最出位都係最成功嘅角色——招积
因为精湛嘅演技被大家记住
观众好高呼声想继续见到佢添
相信第二季都唔少得佢
最后有个英国人去监狱揾招积
仲表示想同对方倾下生意
而且仲提到“龙头棍”
相信英国人会继续利用招积做傀儡
要佢帮英国人果边做嘢！
04
角色大变动
第一季係以陈小春饰演凤凰为主线
但第一季编剧透露会变了
应该会以张少均（陈国坤饰演）为主
陈小春变成配角
结合档期间唔中出来一下~
之前埋下伏笔，凤凰个仔到底係边个
根据剧情分析
一开始係推算係韩彬个仔
后来都有人话会係大boss个仔
第二季相信就会揭晓了~
第一季几乎每一集都会死人
而有啲角色好多观众都想继续睇
导演就话
佢地会以唔一样嘅方式回归
如果仲想见到佢地记得留意第二季啦~
无论从演员阵容、故事情节方方面面睇
反黑第二季都相信会非常精彩
预计明年1月会开始拍，圣诞节播出
虽然有排都未有
但係好作品係值得期待噶嘛~
